Sonetler

93

Daim aldanılan bir ər kimi mən,

Daim düşünürəm: yox eybin sənin.

Bəlkə də, sevirsən məni zahirən,

Gözlərin mənimdir, könlün özgənin.

Riyadan bir əsər yoxdur gözündə,

Xəyanət eyləsən, olarmı aşkar?!

Adam var yazılır onun üzündə

Ürəyində olan gizli qüsurlar.

Ülvi zinətini bütün aləmin

Təbiət əbədi veribdir sənə.

Bəs qəlbin necədir? Gözəl görkəmin

Gözəllikdən başqa əks etmir heç nə.

Hüsnün qəlbin kimi deyilsə əgər,

Həvvanın dərdiyi almaya bənzər.