Sonetler

90

İndi at, dostunu atacaqsansa,

İndi at — sıxırkən ruhumu aləm.

Bəxtimlə əlbir ol, mən batım yasa,

Axırda göz yaşı tökməsin didəm.

Qəlbimin yarası sağalan zaman

Onu göynətməsin yenidən kədər.

Yandır, dağla indi, vermə sonradan

Tufanlı gecəyə yağışlı səhər.

Cüzi ağrılardan zəifləsəm mən,

Senin həsrətinə dözərəm neçə?!

Nifrətin vardırsa, göstər indidən,

Ən müdhiş əzabı çəkim əvvəlcə.

Hər cür müsibətə tablayar ürək,

Ən böyük bəladır seni itirmək.