Sonetlər

29

Taleyin əliylə alçaldıqca mən

Acı göz yaşında qovrulur ürək.

Mərhəmət umuram dilsiz göylərdən

Uğursuz bəxtimi lənətləyərək.

İstərəm yüksəlsin göyə ad-sanım,

Dostlarım çox olsun, ümidim de bol.

Sənətdə parlasın şöhrətim, şanım,

Açılsın qarşımda geniş, azad yol.

Yadıma düşəndə sən birdən-birə,

Nifrət yağdırıram özümə, nifrət!

Ruhum torağay tək uçur göylərə,

Dolur nəğməsiylə qəlbimə şəfqət.

Sənin saf eşqinlə yüksəyəm, inan,

Dünyanın ən güclü krallarından.