Shakespeare's Sonnets in Romani

Сонэто 099

Мэ пэрвона́ фиалкица́ пучьём:

«Мри гудлори́ чёрны́, кай ґазбадя́н

Куч арома́то, лолыпэ́н? Джиндём:

Кэ мри камлы́! Ту ла́тыр да чёрдя́н?»

Тэ ли́лия, сыр ухтылдём мэ ла,

Лыя́ трэ васторэ́ндыр парныпэ́н;

Кэ майора́но сы тырэ́ бала́,

Тэ ро́зы, со чёрдэ́, на гаравэ́н:

Екх — ладж лолы́, парны́ холы́ — вави́р,

Сарэдуендыр три́то со чёрдя́? –

Тро пхурдыпэ́н тато-шудро́ шуки́р;

Тэ ка́жно го́жэс прэ чёри́ джиндя́.

Мэк о кирмо́ чёрнен и хаськирдя́.

Бут лулудя́ вэсна́киро дрэ бар:

Сарэ́ чёрэ́на тутыр, со шука́р.