Shakespeare's Sonnets in Romani

Сонэто 125

Коли́ б мэ патыва́са рикирдём

О по́лого,[74] кай сы бэшло́ таґари,

Или прэ веки со-то ґаздыём –

Мэк барвало́, кирно́, сыр о злыда́ри![75]

Нат! Мэ дыкхтём бахтя́ прэ екх дывэ́с,

Екха́тыр нашадэ́ — тэ упрэды́р,

Забистырдэ́, сыр тэ дживэ́н миштэ́с,

Ваш адава́, со кха́рна «фэдыды́р».

Нат! Мэ патя́ва дро тыро́ ило́,

Ха́ мро маро́, мэк чёроро́, прэ во́ля,

Нанэ́ хохаибэ́н до барвало́,

Кай роскэра́са екх варэ́са до́ля.

Джя́ «на́жужо», тут на кандэ́л ило́,

Дро пхарипэ́н ячелпэ зорало́.