Shakespeare's Sonnets in Romani

Сонэто 105

Кама́м ла на сыр дэвэлня́ савья́,

Ико́на на кэра́ва мрэ камля́тыр,

Мэк мрэ, ґалёв, сарэ́ бага́н гиля́ –

Ваш ла́кэ, ла, пал ла́тэ, ла́са, ла́тыр.

Лачи́ ададывэ́с, сыр атася́,

Дро кучипэ́н учё на парудёла,

Паладава́ мири́ гилы́ — уса́

екхэ́са камлыпна́са сыкадёла.

Шука́р, лачи́, жужы́ — уса́ бага́ва,

Жужы́, шука́р, лачи́ — ваврэ́ лавэ́нца;

Трин мо́лы на тринэ́н — екха́ кхара́ва,

Фэды́р мэ на латхьём сарэ́ зорьенца.

Лачи́, Жужы́, Шука́р — бут да́савьен,

Екха́ мирья́ сыр «трин дро екх» кхарэ́н.