Shakespeare's Sonnets in Romani

Сонэто 007

Коли́, сыр совнака́са уридо́,

Традэ́л э ра́т калы́ дэвлы́тко кха́м,

Ґаздэ́ла о шэро́ саро́ джидо́,

Хачёна бахталэ́ — сарэ́ якха́.

Коли́ о кха́м, яга́са хачкирдо́,

Прэ болыбэ́н урня́ла учеды́р, –

Дыкхэ́л о свэ́то, тэлыды́р тэрдо́,

Сыр выгыя́ о Ра́й тэрно́ шуки́р!

Коли́ ж кэ ра́т рисёла о дывэ́с,

Сы кха́м кхино́ сарэ́н тэ татькирэ́л, –

Буты́р нико́н прэ лэ́стэ на дыкхэ́л,

Нико́н якхэ́нца на родэ́ла лэс!

Тэ на́ бистрэн тут — со́ ту ачявэ́са?

Мэк тэ мэрэ́с, джидёл о ра́т чявэ́са.