Shakespeare's Sonnets in Romani

Сонэто 032

Сыр ту пиридживэ́са мро дывэ́с,

Коли́ кока́лы пра́хо згаравэ́ла,

Ту, дэ́л Дэвэ́л, екх мо́ло подыкхэ́с

Др адава́ лы́л, со тро камло́ чинэ́ла.

Ґалёса, на пир мо́да вычиндло́,

Канатунэ́ бут фэдэды́р кэрэ́на,

Рики́р лэс на ваш и́дя, — ваш ило́,

Мэк бахталэ́ ман пиричюнгардэ́на.

Ваш ма́нгэ тыри дума адая́:

«Коли́ б сыс Муза тэрнэды́р, кон лэс

Камья́, савья́кэ камлыпэ́н дыя́,

Праста́лас бы прэза́л, сыр уклистэ́с. walking

Нэ ёв муло́; гина́ва мэ бутэ́н:

Лэн — пало сти́лё, лэс — ваш камлыпэ́н».