Shakespeare's Sonnets in Romani

Сонэто 037

Сыр дад пхуро́ дживэ́ла бахталэ́с,

Коли́ дыкхэ́ла, сыр чявэ́ кхэлэ́н,

Адя́кэ ж, дром банго́, хай, лангалэ́с

Кэри́, кама́м чячес тро кучипэ́н.

Тро гожыпэ́н, о ро́до, э годы́,

Барвалыпэ́н тэ, хай, саро́ — кэ мэ

Явья́ тырэ́ бахтя́са, ка́мады,

Тырэ́ шукарипна́са рисимэ́.

На сом буты́р о лангало́ пхуро́,

Коли́ о кхам тыро́ ман таткирэ́ла,

Адя́кэ сы тро кучипэ́н баро́,

Со ма́нгэ екх котыроро́ авэ́ла.[37]

Саро́ шука́р, со тутэ сы, камьём:

Дэш мо́лы мэ бахталэды́р ячьём.