Shakespeare's Sonnets in Romani

Сонэто 044

Коли́ б мро мас пхаро́ — ячья годы́,

Ман дром баро́ на затэрдякирэ́ла;

Мэ адатхы́р, сыр дума (сыгэды́р!),

Явьём, кай тро ило́ дужакирэ́ла.

Нанэ́ проблема, кай тэрдэ́ ґэра́,

Сыр тутыр дур сы адая мри риг,

Э дума километрыцы бара́,[41] —

Пхувья́, барэ́ паня проджя́ла сыг!

Мэра́в мэ, Дэвла, тэ ачя́в годы́,

Кэ ёй ухтём бы, кай ёй угэя́.

Мро мас (э пхув панеса кэрады́),

Дужакири́, киркэ́с ґондя́ дэя́.

Пхув тэ паны́ дрэ ма́ндэ сы пхарэ́,

Кэрдэ́пэ лэ́ндыр о ясва́ мирэ́.