Shakespeare's Sonnets in Romani

Сонэто 089

Пхэ́н, хай, палэ́ екх дош ман чюрдэя́н,

Тэ хачкирдэ́с мэ тут подрикира́ва,

Коли́ б, хай, лангало́ сом, ту пхэндя́н,

Мэ заланга́ва, лав на выпхэна́ва.

На дя́кэ дукхано́, со ту скэрдя́н,

Соб сыр бы чячюнэ́с ман тэ чюрдэ́с,

Мэ кокоро́ скэра́ва, сыр камья́н,

Соб тукэ ман локхэ́с тэ ачявэ́с.

Дур рикира́впэ, тэ прэ чиб мири́

Тро лав гудло́, камло́ мэ на мэка́в,

Со́бы пирда́л годы́ мри на́бари,

Со ман джинэ́сас, мэ тэ на́ пхэна́в.

Ваш тукэ и прэ ма́ндэ мэ ушта́ва:

Конэ́с ту на камэ́с, и мэ на ла́ва.