Shakespeare's Sonnets in Romani

Сонэто 068

Сарэ́ дрома, со прогэя́ чячес,

Прэ лэ́скирэ чямья́ миштэ́с дыкхнэ́:

Кай гожыпэ́н сыс — на латхэ́ла лэс,

Тэ про чека́т бэрша́ на хоханэ́.

Ёв на чёрдя́ бала совнакунэ́

Тэрнэ́ шэрэ́ндыр, соб тэ вытховэ́л,

Соб дуйто мо́ло о бэрша́ тэрнэ́,

Ваврэ́нгирэ лына́, тэ продживэ́л.

Дыксён бэрша́ прэ лэ́стэ прогэнэ́,

Дро макхипэ́н лоло́ на гарадэ́,

На обчёрдэ́ о тэрныпэ́н ёнэ́,

Пэс хоханэ́с, нэвэ́с на уридэ́.

Э Дай Бари́ лэс палдава́ ракхэ́л,

Соб дром о чячюно́ тэ сыкавэ́л.