Shakespeare's Sonnets in Romani

Сонэто 012

Жыка́й гина́вас мэ тырэ́ мардэ́,[22]

Дывэ́с совнакуно́ кэ рат явья́,

Лолэ́ лына́ о цвэ́ты нашадэ́,

Тэ соболи́тко[23] бал попарныя́.

Коли́ кашта́ сарэ́ нангэ́ тэрдэ́,

На гаравэ́н кхамэ́стыр гурувнен,

Коли́ гива́ дрэ сно́пы счингирдэ́ sheaves

Парнэ́ шэрэ́нца, дрэ здраны́,[24] кэрэ́н, —

Пал тыро гожыпэ́н пучя́ва мэ,

Сыг улыджя́на лэс бэрша́ ивья́,

Коли́ на удыкхэ́са, хасимэ,

Сыр тэрныпэ́н тыро́ выбария́.

Ада бангэ́ чюрья́тыр тэ ракхэ́спэ

Нашты́, мэк дрэ чявэ́ндэ тэ бьянэ́спэ.