Shakespeare's Sonnets in Romani

Сонэто 114

Тэлэ́ коро́на камлыпна́скири

Чёрдэ́ ли мри годы́ шарибэна́?

Мишто́ дыкхэ́ла ка́жно якх мири́,

Нэ уджиндя́ драбакирибэна́?

Трэ камлыпна́стыр ёй лачякирэ́ла

Пфуй джидыпэ́н, сыр а́нгело шука́р,

Со на́лачё — жужо́ ёй сыкавэ́ла,

Сыр попэрэ́ла дрэ вэсны́тко бар.

Мири́ годы адя́кэ матькирэ́на,

Нэ бахтало́ сом дро матвалыпэ́н,

Мирэ́ якха́ годя́кэ служынэ́на:

Хохаибэ́н ваш лэ́нгэ кэравэ́н.

Ада драба́ ячена гудлэды́р,

Сыр мрэ якха́ лэн пьена англэды́р.