Shakespeare's Sonnets in Romani

Сонэто 034

Шука́р тыро́ дывэ́с дужакирдём,

Тэ мро думи́тко чюрдыём кхэрэ́;

Нэ калэ тучи закэрэ́нас дром,

Тэ гаравэ́нас тыро муй андрэ́.

Палэ́ сыкадыя́н тэ шутькирдя́н

Ясва́, со ачядя́ брышы́нд про муй;

Нэ палэ мири ла́дж на плэскирдя́н:

Састякирэ́сас, со кэрдя́н ту пфуй.

Ладжя́сас, нэ мри туга на лэя́н,

На забистра́ва, со пириджиндём;

Сави́ буты́, со та́нго, со дрэва́н,

Коли́ мэ дро ило́ дукх лыджиём.

Ясва́ тырэ́ тхадэ́на пиро муй

Тэ улыджя́на, со кэрдя́н ту пфуй.