Shakespeare's Sonnets in Romani

Сонэто 090

Ман на́дыкх, сыр камэ́с, коли́ камэ́с,

Кана́ о свэ́то мрэ бутя́ пхаги́рла,

Хаськи́рна бибахтя́ ман локхорэ́с,

Мэк тыро васт буты́р на дужаки́рла.

Коли́ пхэрдо́ дукха́са мро ило́,

Ту на́ мар дро думо́ ман, камлыпэ́н,

Сыр ячявэ́л э рат брышы́нд кало́,

Соб тэ кэрэ́л пал ма́ндэ жужыпэ́н.

Чюрдэ́са ман, нэ на палатуны́,

Коли́ киркипэна́ выпьена зор,

Ту чюрдэ ман екха́тыр, хоханы́,

Соб мэ екха́тыр ґалыём да хор:

Да киркипэ́н на зоралэ́с баро́,

Коли́ б тэ на́ ачявпэ битыро́.