Shakespeare's Sonnets in Romani

Сонэто 020

Э Дай Бари́ кэрдя́ да кокори́,

Тро муй, хула́й тэ хуланы́ илэ́скэ:

На парудёс адя́кэ, сыр бори́,

Тыро́ ило́ сы ковлэды́р камлэ́скэ.

Якха́ на дя́кэ хоханэ́, сыр ёй,

Саро́ дыкхно́ — кэрэ́на совнака́са;

Илэ́ сы кэ джиня́, джинэ́ — одо́й

Ту раинэ́са шукарэ́ зорья́са.

Сыр э джювлы́ кэрдо́ англатунэ́с,

Ваш лэ́нгрэ гудлыпэ́н о мурш ячья́н;

Э дай Бари́ кэрдя́ ман чёрорэ́с:

На трэ́би ма́нгэ, Ла́тыр со лэя́н?

Со тэ кэра́в? Джювленгэ сан яндло́,

Ками́ ман, лэ́нца кэр, со сы гудло́.