Shakespeare's Sonnets in Romani

Сонэто 054

Шукарэды́р сы до шукарипэ́н,

Коли́ лачякирдо́ сы гудлыпна́са!

Сыр бахтяки́рна ро́зыцы амэ́н,

Нэ гудлэды́р, коли́ лэн куч сунга́са.

Адя́кэ ж лулудя́ кирнэ́ тэрдэ́,

Дыксёна сыр о ро́зыцы сунги́тка.

Мэк сы дрэ и́дя го́жэс уридэ́,

Балва́л кирнёла лэ́ндыр лынаи́тко.

На кэ́рна бахт илэ́нгэ — хоханэ́,

Шутёна — дылыно́ сы пхурдыпэ́н;

Коли́ ж мэрэ́на ро́зы чячюнэ́,

Амэ́нгэ арома́то ачявэ́н.

Мэк тэ шутёл шука́р тро тэрныпэ́н,

Дрэ мри гилы́ джидёл тро чячипэ́н.