Shakespeare's Sonnets in Romani

Сонэто 028

Нисы́р о ми́ро тэ латха́в нашты́,

Коли́ кхино́ ратенца на сова́ва.

Сыр дывэсэ́ — бутя́, тэ со раты́?

Сыр дывэсэ́: дрэ туга хасёва́ва.

Марэ́нпэ екх ваврэ́са рат-дывэ́с,

Нэ ман ёнэ́ доха́на кхэтанэ́,

Бутя́са — ёв, туга́са — ёй. Пхарэ́с

Кэра́в буты́, нэ дром кэ ту нанэ́.

Пхэндём: «Дывэ́с, ту сан жужо́, сыр ёй»,

Коли́ о кхам тучендыр на дыкха́вас».

Ратя́кэ кало́ муй шардём, одо́й

Сыс черґэня́ — сыр ту, мэ совлаха́вас.

Нэ вса буты́р сы дывэсэ́ бутя́,

Зоралэды́р туга́са хан ратя́.