Shakespeare's Sonnets in Romani

Сонэто 041

Тыкнэ́ доша́, со на́ками кэрэ́са,

Коли́ илэ́стыр нашавэ́са ман,

Бэршэ́нца, гожыпна́са дорэсэ́са,

Сыр тут злыджя́на, кай бы на явья́н.

Ковло́ — пиро́ ило́ сан кажнонэ́скэ,

Шука́р — ту кажнона́кэ сан хула́й,

Коли́ джины́ мангэ́ла, э дженэ́скэ

Нашты́ шутлэ́с ла тэ чюрдэ́с, жыка́й…

Кирко, сыр ту мро кхэр на жалинэ́сас,

Ада́й пэс сыкадя́ тро тэрныпэ́н:

Ада́й ту гожыпна́са пхагирэ́сас

Дуеригэ́нгиро патяибэ́н.

Ла гожыпна́са ту улыджия́н,

Тут ма́ндыр гожыпна́са ту чёрдя́н.