Shakespeare's Sonnets in Romani

Сонэто 058

Дэвэ́л на дэ́ла, ман кэри́ робо́с,

Соб тэ пучя́в, бельвель сыр пролыджя́с?

Пиро́ мардэ́ — конэ́са откхинёс?

Соб ту пало́ сками́нд робо́са джяс!

Дэ́ тэ мэра́в илэ́скирэ бокха́тыр,

Кари́к ками́, урня́са ту псиро́;

Дужакири́ дрэ дукх тут бельвеля́тыр,

Ни ла́в ни паш — мэ, ро́бо сом тыро́.

Джино́м: сан акадя́кэ залыны́,

Со кокори́ кэрэ́са пэ́скэ пла́но,

Камэ́са со, конэ́с? — сан хуланы́,

Ладжя́ тыро́ ило́ нисы́р на ха́на.

Дужакири́ дро а́до,[46] мэ шара́ва

Трэ бельвеля́: куч, грэ́хо ль — на дыкха́ва.