Shakespeare's Sonnets in Romani

Сонэто 136

Сыр тыро ди́ ман лэ́ла тэ традэ́л,

Пхэ́н лэ́скэ, со мэ сом о Кам тыро́,

Тэ ка́жно ди́ о Камлыпэ́н прилэ́л,

Мэк тэ дэ́л ма́нгэ, со кама́м, саро́.

Пал адава́ баро́ дав миштыпэ́н,

Тэ бут амэ́н ваш камлыпэ́н мэ да́ва,

Дрэ барвалэ́ бутя́ — мро чячипэ́н:

Екх сы ничи́, — мэ тукэ ракира́ва.

Дрэ бутыпэ́н мэ екх, на сом кхардо́,

Нэ екхоро́ сом дрэ тыро́ ило́;

Мэ, сыр ничи́, сом туса рикирдо́,

Мэк тэ кэра́в ваш тукэ Кам гудло́.

Мро лав сы «Кам», ту ка́м! Сарэ́ джинэ́н:

Коли́ камэ́са — сом тро Камлыпэ́н.