Shakespeare's Sonnets in Romani

Сонэто 031

Тыро́ колы́н заклыдынякирдя́

Сарэ́ илэ́, чёрдэ́ э мэрибна́са;

Одо́й о рай сы камлыпэ́н: скхардя́

Сарэ́н, кицы́ мэ згарадём туга́са.

Пал лэ́ндэ мэ киркэ́ ясва́ чидём,

Бикамлыпна́скро, дёса чёроро́;

Нэ мэрибна́стыр ко́фо рискирдём:

Сарэ́н зракхья́ камло́ ило́ тыро́.

Одо́й сы гро́бо, кай ячел джидо́

Мро камлыпэ́н машки́р мирэ́ камлэ́ндэ:

Сарэ́н, сыр миштыпэ́н мро ачядо́,

Мэ да́ва тукэ, ман машки́р бутэ́ндэ.

Дрэ тутэ лэ́нгирэ муя́ дыкха́ва,

Тэ мро саро́ мэ тукэ лэ́нца да́ва.