Shakespeare's Sonnets in Romani

Сонэто 026

Кэ Ту, мрэ камлыпна́скиро хула́й,

Трэ патыва́са сом мэ припхандло́;

Кэ Ту лыл бичядём, латхэ́са кай

На мри годы́, миро́ ило́ вчиндло́.

Буты́ — бари́, годы мри — чёрори́,

Пхарэ́с тэ дорэса́в лава́ чячес,

Нэ мэ патя́в, со дрэ годы́ тыри́

Ёнэ́ ячена уридэ́ лачес.

Ґалёв, мрэ черґэня́ лыджя́на ман

Кэ бахт лачи́ тэ кэ паты́в бари́;

Соб мэ патывалэ́с, со мо́л ту сан,

Пхэндём: «Кама́м тут!» — пэ́стыр на́ дари́.

Жыка́й дара́в тукэ тэ сыкава́в

Мро камлыпэ́н, шэро́ дур гарава́в.