Shakespeare's Sonnets in Romani

Сонэто 123

Бэрша́ ивья́ пхутёна: парува́впэ,

Ёнэ́ ґаздэ́на — мэк нэвэ́ нанэ́ –

Да пирами́ды, да́са совлаха́впэ,

Кэрэ́на пирэ мо́ды пуранэ́.

Мэра́са сыг; бэрша́ чювэ́н про свэ́то

Пуранэ и́дя, на́бут парудэ́;

Жыка́й амэ́н рики́рна про да штэ́то,

Патя́са, со амэ́нца высыдэ́.

Бэрша́ скэдэ́на патриня́, лыла́,

Нэ ман ивья́ диво́са хохавэ́на:

Дрэ бар тэрны́ дыкха́ва трушыла́:

Палсо́ ж бэрша́ уса́ сыгякирэ́на?

На парува́впэ, дав совэ́л мири́,

На́ дыкхи прэ бэршэ́нгири чюри́.