Shakespeare's Sonnets in Romani

Сонэто 095

Сыр го́жэс ту э ладж гудлякирэ́са,

Сави́ сыр о кирмо́ дрэ лулуди́,

Э мэл про тро цвэты́тко лав анэ́са! –

Сы гожыпэ́н — авря́л, э дош — дро ди́.

Чиба́, савэ́ пал тутэ тхув кхувэ́ла,

Шутлы́ додэ́на пэ́стыр дро кана́,

Тут, на́ками, пир арманя́ шарэ́на,

Буты́р шуки́р цвэты́тко лав кана́!

Сави́ куч фэлати́н ту выкэдэ́са

Вашэ́ доша́? — Хачёл сыр лачё бар!

Трэ гожыпна́са лэн учякирэ́са,

Вашэ якха́ кэрэ́нпэ куч-шука́р.

Тро гожыпэ́н зор адая́ рики́рла:

Нэ зоралы́ чюри́ — о бар пхаги́рла.