Shakespeare's Sonnets in Romani

Сонэто 061

Ту рикирэ́са мрэ якха́ кхинэ́

Сари́ рат откэрдэ́ трэ гожыпна́са?

Одя́, сыр ту, традэ́на мрэ сунэ́?

Или ту патриня́ пхарэ́ лыджя́са?

Оди́ тыро́ кэ мэ сы бичядо́

Тырэ́ кхэрэ́стыр дур, соб тэ гинэ́с,

Кицы́ дрэ ладж сы́ битыро́ скэрдо́!

Дарэ́с пал ма́ндэ, сыр дрэва́н камэ́с?

Тро камлыпэ́н на дя́кэ зорало́,

Мро́ камлыпэ́н раты́ ман джянгавэ́ла,

На дэ́ла тэ сова́в миро́ ило́,

Ваш тукэ шынгалэ́са[50] служынэ́ла.

Мрэ думы сы, соб мрэ сунэ́ тэ хан,

Коли́ дур ма́ндыр, паш ваврэ́ндэ сан.