Shakespeare's Sonnets in Romani

Сонэто 039

Нэ сыр мэ тут форма́льнэс тэ шара́в,

Коли́ сан най-фэды́р коты́р миро́?

Сыр кокорэ́с пэс мэ тэ вытхова́в?

Нэ сыр тэ роскэра́с миро́-тыро́?

Паладава́, нэ, трэ́би, соб тэ джя́в,

Соб камлыпэ́н ячья́пэ екхоро́,

Дура́л локхэ́с сы ма́нгэ тэ пхэна́в,

Со тукэ плэскира́ва кокоро́.

Пхарэ́с тэ на́ кошав екхорипэ́н,

Нанэ́ тыро́ до банг,[38] со джяв аври́:

Мишто́ мэ зрипира́в мро камлыпэ́н,

Соб тэ совэ́л дрэ думы дукх мири́.

Сыклякирэ́са, сыр тэ роскэрэ́с,

Шари́, дуендыр со скэрдо́ екхэ́с.