Shakespeare's Sonnets in Romani

Сонэто 011

Сыг вышутёса, выбарьёса сыр

Дрэ тыкнорэ́стэ, бияндя́ конэ́с,

Дро пхурипэ́н да рат тыро́ шуки́р

«Миро́ чяво́» ту лэ́са тэ кхарэ́с.

Дживэ́л о свэ́то дро годьварипэ́н,

Билэ́скро лэ́лас бы о шыл саро́,

Бэрша́ б тэрдёнас дро прастаибэ́н,

О кашт мэя́ бы сыг, яви́ пхуро́.

Э Дай Бари́ ракхэ́л на кажнонэ́с,

Коли́ бибахтало́, мэк тэ хасёл,

Нэ ту жэ куч бахт ла́тыр дорэсэ́с,

Мэк ада бахт чявэ́нца тэ джидёл.

Э Дай Бари́ патри́н оттасадя́,[21]

Сыр бы прэ бут лыла́ тут ачядя́.