Shakespeare's Sonnets in Romani

Сонэто 132

Кама́м тырэ́ якха́: ман жалинэ́на,

Дыкхи́, сыр тро ило́ дукх ма́нгэ дэ́ла,

Калэ́са уридэ́, хай, тугинэ́на,

Коли́ дукха́тыр мро ило́ мэрэ́ла.

Нанэ́ адя́кэ куч о кхам прэ зо́ря

Про муй парнэбалэ́нгро — болыбэ́н,

На дя́кэ сы шука́р черґэ́н прэ зо́ря

Вави́р, коли́ калыпэна́ пэрэ́н.

Дуй мо́лы кучеды́р якха́ туги́тка.

Палсо́ нанэ́ саво́ тыро́ ило́?

Палсо́ традэ́ла дя́кэ би-илы́тко

Ман, чёрорэ́с, ачелпэ шылало́?

Сы гожыпэ́н — кало́, патя́ндыём,

Сыр трэ якхэ́ндыр адава́ джино́м.