Shakespeare's Sonnets in Romani

Сонэто 008

Мири́ Гилы́, гиля́ шунэ́с туга́са.[19]

Палсо́? Коли́ гудло́ камэ́л гудло́.

Палсо́ гудлы́ дживэ́са киркипна́са?

Со тукэ дукхано́ — одо́ камло́.

Акко́рдо чячипна́са башавэ́ла, –

Кхэтаныпэ́н сыр дукх ваш трэ кана́?

Екхорипэ́н пхарэ́с тут чилавэ́ла?

Акко́рдо ракирэ́ла акана́:

Шун, сыр шуки́р о дад э глос подэ́ла,

Екх пал ваврэ́стэ го́жэс кхэтанэ́

Палэ́ — бахталы да́й подухтылэ́ла,

Тэ чяворо́ — э семья, тринджинэ́.

Тринэ́ндыр (шун!) скхувэ́лпэ глос чячи́,

Пхэнэ́ла тукэ: екхоро́ — ничи́!