Shakespeare's Sonnets in Romani

Сонэто 081

Мэ ль ачява́в про гро́бо тыро лав,

Или ту ман дро гро́бо удыкхэ́са,

Мэк дрэ сарэ́ годя́ тэ хасёва́в,

Ту адатхы́р про веки ачявэ́са.

Тро лав зоралэды́р, сыр мэрибэ́н,

Мэ екх рипирибэ́н на ачява́ва,

Ман лэ́ла пхув, сыр сарэ́ манушэ́н,

Тут дрэ якха́ джидэ́ мэ згарава́ва.

Дрэ мрэ гиля́ ту лэ́са тэ дживэ́с,

Якха́ чявэ́нгирэ тут удыкхэ́н,

Высыкляки́рна тут чиба́ миштэ́с,

Пиридживэ́с амэ́н сарэджинэ́н.

Джиды́ сан дрэ лава́ — мири́ гилы́

Ваш тукэ сы адя́кэ зоралы́.