Shakespeare's Sonnets in Romani

Сонэто 135

Сы кажнона́тэ, со родэ́л, — нэ Кам[83]

Мэк тэ авэ́л (ава́в) тро екхоро́;

Сыр ваш дывэ́с ухты́лла[84] екх до кхам,

Гудлякира́ва камлыпэ́н тыро́.

Бутэ́н камэ́са ту, сыр буґлыпэ́н:

Соб ман тэ гаравэ́с штэ́то латхэ́са,

Коли́ ваврэ́нгэ дэ́са ковлыпэ́н,

О Кам тыро́ (хачёла ёв!) прилэ́са.

Баро́ паны́ брышы́нд на вычюрдэ́ла,

Мэк на́бут лэ́стыр ко́фо дорэсэ́ла,

Лэ ма́ндыр, мэ сом тыро Кам, — ячела

Буты́р тро Камлыпэ́н, сыр ман прилэ́ла.

Нэ я́в ковлы́, лав на́ чюв хачимэ́,

Саро́, со ту родэ́с, дава́ сом мэ!