Shakespeare's Sonnets in Romani

Сонэто 107

Мри дар, сыр о Барэ Свэто́скро ди́,

Дыкхи́ хор дро бэрша́, сывэ́ явэ́на,

Дро кан на пхэ́нла ма́нгэ англэды́р,

Коли́ мро камлыпэ́н бэрша́ чёрэ́на.

Бут мо́лы чён хасёлас прэ якха́,

Тэ дылынэ́ раша́ ивья́ ровэ́нас,

Нэ зэлэнёна санорэ́ рукха́,

Соб дурэды́р сарэ́ дужакирэ́нас.

Бэрша́ тэрнякирэ́на камлыпэ́н,

О мэрибэ́н дро васт мэ тасава́ва:

Мэ ачядём ман дро багаибэ́н, –

О билылэ́нгрэ нашавэ́на сла́ва.

Хасёла таґари́тко барипэ́н,

Гилы́ ж ячела дро рипирибэ́н.