З перапоўненай скрыні ўзляцеў быў
I — упаў на цэментную гладзь!
I спружыністым б'ецца целам,
Не згадзіўшыся паміраць.
А прыёмшчыцы юнашчокай
Задзівіцца ізноў з вугра:
Не да бліжняй лужыны скокі,
А да дальняга азяра,
Што так родна трапеча сінню,
Што пад ветрам набрала гон
I трымціць глыбіннаю сілай
У крыві жыхара свайго.
Ён не возьме, спазнаўшы волю,
I глытка нямілай вады,
Раздзіраючыся аб голле,
Уцякаючы ад бяды...