Вершы

Я люблю густыя шумы,

Перагуд высокіх хвой.

Ў цень і ціш лясной задумы

Я люблю прыйсці вясной.

Спачываючы ад болю,

Ад няпраўды і маны,

Пазнаваць чужую волю,

Дыхаць пахам сасніны.

І, спусціўшыся лагчынай

У заросшы дол сыры,

Між бяроз, густой ляшчынай

Заблудзіцца ў гушчары.

Дзе таёмна, сцішна, змрочна,

Дзе вільготны мяккі мох,

Дзе ўзіраецца ставочна

Збуджаны Перапалох.