Je, François Villon

Que dictes vous de mon appel,

Garnier ? Fis je sens ou follye ?

Toute beste garde sa pel :

S’elle peult, elle se deslye.

Quant a ceste paine arbitraire

On me jugea par tricherie,

Estoit il lors temps de moi taire ?

Se feusse des hoirs Hue Cappel,

Qui fut extraict de boucherie,

L’en ne m’eust parmy ce drapel

Fait boire en cette escorcherie.

Vous entendés bien joncherie !

Ce fut son plaisir voluntaire

De me juger par fausserie :

Estoit il lors temps de moi taire ?

Cuidés vous que soubz mon cappel

N’eüst tant de philosophie

Comme de dire : « J’en appel » ?

Si avoit, je vous certifie…

Combien que point je ne m’y fie.

Quant l’en me dist devant notaire :

« Pendu serés », je vous affie,

Estoit il lors temps de moi taire ?

Prince, se j’eusse eu la pepye,

Pieça je feusse ou est Clotaire,

Aux champs, debout comme une espie :

Estoit il lors temps de moi taire ?