Пан Лес

Ніхто ня мае права жыць з Паэтам,

кахаць, пакутаваць і раўнаваць яго,

ня тыя дні, калі б ён дбаў пра гэта,

ня той напой, які б ён піў нагбом.

Ніхто ня мае права мець Паэта,

рабіць яго паяцам пры двары,

таму што гэта… ды таму, што гэта —

народа і паэзіі падрыў.

Ніхто ня мае права біць Паэта,

ён нават сам ня вольны над сабой,

магчыма, ён адзіны на паўсьвета,

а вы за ім нібыта за гарой.

Паэт ня мае права быць паэтам

цнатлівае і чыстае красы,

калі ў айчыне загніваюць рэкі

і засыхаюць на вачох лясы.