I чую я голас...: выбраныя вершы, 1954-2008

Чым больш я на свеце і жыў і мадзеў —

ішачыў, цярпеў i змагаўся, —

тым болей да праўды дабрацца хацеў,

да праўды ўсім духам ірваўся.

З хлусні і з абману, з аблуды сляпой —

да праўды, да праўды штосілы!

Да самай вялікай, галоўнай, да той,

што кожнага лучыць з усімі.

І вось яна ўрэшце адкрылася мне —

ні чым не прыкрытай паўстала.

У поўнай істоце. Ва ўсёй галізне.

...І праўда мяне зруйнавала.

2007, студзень