I чую я голас...: выбраныя вершы, 1954-2008

Першага студзеня.

Сэрца натруджана

Так, што здаецца:

Сціхла, не б'ецца.

Трэцяга лютага.

Некалі любага,

Мілага ў Бога —

Гоняць з парогa.

Пятага траўня.

Значыць — бяспраўна?

Значыць — бяздомна?

Значыць — бяздольна?

Шостага чэрвеня.

Боскае счэрнена.

Хіба што ў песні

Светла ўваскрэсне?

Сёмага ліпеня.

Слёзнымі ўсхліпамі

Памяць скуголіць,

Просіць i моліць.

Восьмага жніўня.

Больш чым наіўна...

Горш чым бяздумна...

Горка i сумна!

Восьмага верасня.

Той, хто зняверыўся

Іншым не прыклад...

Горка i прыкра!

Першага снежня.

Горка i смешна —

Марыць аб нечым

Светлым i вечным.

1993