I чую я голас...: выбраныя вершы, 1954-2008

Даруй мне ўсё, што можаш дараваць,

А што не можаш — памалюся Богу,

Мо Ён даруе, перш чым скіраваць

Маю душу ў апошнюю дарогу.

Мая душа... Якая толькі дрэнь

Не сілілася завалодаць ёю!

Каб у бязмоўны, безаблічны цень

Ператварыць. Каб не была маёю.

І, можа, так бы й сталася даўно,

Калі б не ты, мой ангел-выратоўца.

Калі б не голас твой i не яно —

Табе адненькай ведамае слоўца.

1997, верасень